Еліміздегі әскери бөлімдерге жоспарлы тексеру жүргізіледі. Бұл туралы ҚР Қорғаныс министрлігінің баспасөз қызметі хабарлады.

Тексеру аясында 16–18 ақпан аралығында Алматы, Қонаев және Талдықорған қалаларында әскери техника тасымалданады. Сондықтан автожолдардың кейбір учаскелерінде қозғалысқа уақытша шектеу енгізілуі мүмкін.

Министрлік азаматтарды, БАҚ өкілдерін және әлеуметтік желі қолданушыларын жалған ақпаратқа сенбеуге және тек ресми хабарламаларға сүйенуге шақырды.