Астанада 16 жастағы қызды зорлап, өлтірді деген күдікпен екі адам қамауға алынды. Бұл ақпаратты Сенат кулуарында ішкі істер министрінің орынбасары Игорь Лепёха растады, – деп хабарлайды dalamedia ақпарат агенттігі.
Журналистердің сұрағына жауап берген ол қылмыстық іс бойынша екі күдіктінің уақытша ұстау изоляторына қамалғанын айтып, өзге мәліметтерді жариялаудан бас тартты.
«Екі адам қамауға алынды. Бұдан артық айта алмаймын», – деді министрдің орынбасары.
Құқық қорғау органдары сотқа дейінгі тергеу деректері жария етілмейтінін еске салды. Мұндай істер бойынша ақпараттың шектелуі Қылмыстық-процестік кодекстің 201-бабына сәйкес жүзеге асырылады.
Қазір қылмыстық іс бойынша тергеу амалдары жалғасып жатыр.
Санаттар
DALAMEDIA admin
