Енді тұрмыстық тұтынушылар үшін тауарлық газды тұтыну қағидасы бекітіледі. Алдағы уақытта газбен жабдықтау туралы заңға өзгерістер енгізу жоспарлануда. Нақтырақ айтсақ, «коммуналдық-тұрмыстық тұтынушы» және «өнеркәсіптік тұтынушы» ұғымдарын ажырату

көзделуде. Бұл туралы Мәжіліс отырысында айтылды.

Энергетика министрлігінің талаптарына сәйкес, тұтынушылар үшін тауарлық газды тұтыну нормаларын жергілікті атқарушы органдар бекітеді.

Бұдан былай ұлттық оператор бюджет қаражаты есебінен салынатын газ құбырларының құрылысына арналған жобалау тапсырмасын келісіп, әрі құрылыс барысын бақылайтын болады.

Сондай-ақ енді әкімдіктер бюджет қаражаты есебінен салынған газ құбырларын газ және газбен жабдықтау саласындағы ұлттық операторға тікелей беретін болады.