Қазақстанның Тұңғыш президенті Нұрсұлтан Назарбаевтың жұбайы Сара Назарбаева ауруханадан шықты. Бұл туралы оның баспасөз хатшысы Айдос Үкібай мәлімдеді.

Айта кетейік, Сара Назарбаева 2025 жылдың сәуір айында Ұлттық госпитальға жатқызылған. Осы кезеңде оның денсаулығы мен нақты қай жерде ем алып жатқанына қатысты бұқаралық ақпарат құралдары мен бейресми дереккөздерде түрлі болжамдар тараған еді. Алайда клиника диагноз бен науқастың жағдайы туралы ақпаратты жарияламады. Мекеме мұны медициналық құпия деп мәлімдеді.

Ұлттық госпиталь таратқан ресми хабарламада пациенттің қаңтар айында амбулаториялық емге жіберілгені айтылған. Сондай-ақ денсаулығы, диагнозы, емдеу тәсілдері мен нәтижелері туралы мәліметтердің медицина құпиясына жататыны атап өтілген.

Осылайша, 84 жастағы Сара Назарбаева медициналық мекемеде шамамен он ай ем қабылдаған.