2026 жылғы 6 ақпанда Сарысу ауданының Жаңатас қаласында жел екпіні 32 м/с-қа дейін жеткен қатты дауыл салдарынан бірқатар нысанға зақым келген, – деп хабарлайды «Dalamedia» ақпараттық порталы.

Атап айтқанда:

• 1-шағын аудандағы №32, 33, 34, 35 тұрғын үйлердің шатырлары зақымданды;

• 3-шағын аудандағы №6 тұрғын үйдің шатыр бөліктері ұшты;

• 4-шағын аудандағы №15 және №15 «а» тұрғын үйлердің шатырлары жартылай құлады.

Сонымен қатар, Бейбітшілік көшесіндегі ту тұғыры құлап, аудан аумағында электр жарығы уақытша өшкен. Қазіргі уақытта зардап шеккен азаматтар туралы ақпарат тіркелген жоқ.

Оқиғаға байланысты аудан әкімдігінде жедел штаб құрылып, зақымданған нысандарды зерделеу және қалпына келтіру жұмыстары басталған. Қоғамдық-саяси ахуал тұрақты, жағдай облыс әкімінің жеке бақылауында.