Алматыда мемлекет пайдасына тәркілеуге жататын мүлікті иемдену үшін «Жылжымайтын мүліктің бірыңғай мемлекеттік кадастры» ақпараттық жүйесіне жалған деректер енгізген адамдар тобына қатысты сот үкімі шықты. Бұл туаралы ҚР Қаржылық мониторинг агенттігі хабарлады.

Еске сала кетсек , Қаржылық мониторинг агенттігі ұйымдасқан қылмыстық топқа қарсы тергеуді аяқтаған. Топ Коспаевтың жетекшілігімен әрекет етіп, «AV-Construction» ЖШС, «Стекольный завод» ЖШС, «Шалқар 17» ЖШС, «Бахар-А» ЖШС және басқа кәсіпорындарды рейдерлік жолмен басып алуға әрекет жасағаны анықталған.

Сот шешімі бойынша Алматыдағы «Никольский» базары аумағында орналасқан «Nikolsky Investment» ЖШС-ге тиесілі жер мен мүлікке тыйым салынды. Алайда 2025 жылғы қыркүйекте Аслан Пухаев, Антон Соловьёв және Жақсылық Сәрсенбаев «Азаматтарға арналған үкімет» мемлекеттік корпорациясының ақпараттық жүйесіне жалған деректер енгізіп, тыйымды заңсыз алып тастауды ұйымдастырған.

Содан кейін жалпы құны 2,2 млрд теңге болатын мүлік пен жер телімдері жалған тұлғалардың атына қайта рәсімделіп, сату мақсатында пайдаланылған.

Сот кінәлілерді 6 жыл 6 айға бас бостандығынан айыру жазасына кесті. Үкім заңды күшіне енді, ал мүлік мемлекет меншігіне қайтарылды.

Қаржылық мониторинг агенттігі мемлекеттік ақпараттық жүйелерге заңсыз араласудың салдары ауыр болатынын ескертеді.