Ұлыбритания королі Чарльздің інісі Эндрю Маунтбеттен-Виндзор Виндзор корольдік аумағындағы резиденциясынан кетуге мәжбүр болды. Бұл шешім оның жыныстық қылмыс жасағаны үшін сотталған Джеффри Эпштейнмен байланысына қатысты жаңа деректердің жариялануынан кейін қабылданған,-деп хабарлайды «Dalamedia» ақпараттық порталы Reuters басылымына сілтеме жасап.

Белгілі мәлімететрге сүйенсек, Эндрю бұған дейін ондаған жыл тұрған Royal Lodge атты зәулім үйін босатып, енді корольдің Норфолктегі жеке иелігінде тұратын болады. Sun газетінің жазуынша, ханзада түн жамылып, үйінен қашқандай болып көшкен.

Бұрынғы ханзаданың Виндзордағы үйінен кетуі - оның Эпштейн ісіне байланысты бірнеше жылдан бері жалғасып келе жатқан даудағы кезекті ауыр соққы. Бұл жанжал Ұлыбритания корольдік әулетінің беделіне де көлеңке түсірген.

Соған қарамастан, соңғы күндері Эндрюдің атқа мініп серуендеп жүргені байқалған. Ал полиция Mountbatten-Windsor тегіне қатысты жаңа айыптауларды қайта қарастырып жатыр.