Алматыда алимент төлеуден жалтарғандарды анықтау жүйесі күшейтілді. Қала прокуратурасы мен Yandex Qazaqstan цифрлық платформалар арқылы табыс табатын борышкерлерге қарсы бірлесіп жұмыс істеу туралы келісім жасасты.
Алматы қаласының прокуроры Серік Кәріпбеков пен Yandex Qazaqstan компаниясының басшысы Тимур Шалекенов алимент төлеуден жалтарғандарға қарсы және балалар құқықтарын қорғауға бағытталған меморандумға қол қойды.
Прокуратура мәліметінше, кейбір адамдар ресми түрде жұмыссыз болып көрінгенімен, Яндекс Такси және басқа сандық платформалар арқылы табыс табатыны анықталуда. 2025 жылы осындай 110 факт тіркеліп, 57 адамға әкімшілік шара қолданылды, 10 факт бойынша сотқа дейінгі тергеп-тексеру басталды.
Меморандум жүйелі ақпарат алмасуды, кірістерді жасыру және алименттік берешекті анықтауды жеңілдетуді көздейді. Бұл шара балалар құқықтарын қорғауға және алименттік міндеттемелердің міндетті түрде орындалуына бағытталған.
DALAMEDIA admin
11
0