15–18 қаңтар аралығында отандық кинотеатрларда көрсетілген фильмдердің кассалық нәтижелері белгілі болды. Freedom Ticketon компаниясының Box Office деректеріне сәйкес, «Құшақташы мама» көрермен санында көш бастады.

Фильм бір апта ішінде 265 млн теңге табыс тауып, басты бәсекелестері «Аватар: От пен күл» пен «Горничная» туындыларын артта қалдырды.

Екінші орында «Горничная», екі аптада 206 млн теңге жинаған. Ал прокатта бес апта бойы көрсетіліп келе жатқан «Аватар: От пен күл» үшінші орынға тұрақтап, 143 млн теңге табысқа қол жеткізді.

Айта кетерлігі, «Аватар: От пен күл» жалпы прокаттағы кассасы 2,4 млрд теңгеден асты.