Соңғы бес жылда «Қазақфильм» кино-студиясы 1 миллиард 370 миллион теңгеге 47 отандық мультфильм түсірген. Бірақ сол туындылардың көбі экранға шықпаған, ал YouTube-тағы қаралымдары мыңнан да аспайды.

Мысалы, «Айбынды аула» – 44 мың қаралым, «Көк Төбет» – 975, «Қызғылт бұлт» – 132, «Күн астындағы ел» – 81. Балаларға арналған ең танымал мультфильмнің өзі 50 мың қаралымға да жетпеген.

Ал 2019–2024 жылдары мультфильмдерге бөлінген қаражат миллиардтарды құрайды. Мәселен:

• 2019 ж. – 140 млн тг

• 2022 ж. – 552 млн тг

• 2023 ж. – 323 млн тг

• 2024 ж. – 357 млн тг

Алайда аудит қорытындысы бойынша, түсірілген 47 мультфильмнің басым бөлігі көрерменге жетпеген.

Мәдениет және ақпарат министрлігі бұл жәйтты мультфильмдердің «фестивальдерге арналғанын» айтумен түсіндірді. Ал отандық телеарналарда мульфильмдердің санаулысы ғана жол тартқан.

Megogo, Okko, BeeTV сияқты платформалармен жүйелі келісім орнатылмаған.

Жалпы, Қазақфильм — шығынға батқан студия саналады. Себебі 2023 жылы киностудияның қарызы 819 млн теңге болған.

Сонымен, шығыны көп студия мемлекеттің миллардтаған қаржысын көрсетілімі жоқ анимацияларға жұмсап келеді. Мақсаты, жас ұрпақты тәрбиелейтін контент емес, есеп үшін түсірілген туынды мекен?

Ал көрерменсіз мультфильм — жай ғана архивтегі файл деп есептеуге болады.