Танымал әнші, “Меломен” тобының бұрынғы мүшесі Жігер Ауыпбаев өзінен 15 жас кіші қызбен көңіл жарастырғаны үшін айтылған сынға қатысты пікір білдірді.

Өнер иесі әлеуметтік желідегі парақшасында жазба жариялап, сырттан айтылатын әңгімелерге мән бермейтінін жеткізді. Оның айтуынша, адам тірісінде сөзден аман қалуы қиын.

“Біреуі “педофил” дейді, біреуі “теңің емес” дейді, енді бірі “папасы сияқты” деп жазады. Тіпті қарғап-сілейтіндер де бар”, – деп жазды әнші.

Жігер Ауыпбаев мұндай сөздердің барлығы сүйіктісімен арасындағы сезімнің жанында түкке тұрғысыз екенін атап өтті.

“Бұл – Алланың жүрекке салған махаббаты. Ал хейт жаза беріңіздер, ғайбат айта беріңіздер. Ақыреттік амал дәптерлеріңізді немен толтырасыздар – өз еріктеріңіз. Ал мен Алланың қалауымен алға жылжи беремін”, – деді ол.

Айта кетейік, бұған дейін әншінің өзінен 15 жас кіші сүйіктісіне арнаған жазбалары әлеуметтік желіде қызу талқыланып, сынға ұшыраған еді.