Оңтүстік Кореяның SBS ұлттық телеарнасы Алматы қаласына арналған арнайы шығарылым түсірді. Түсірілім танымал «Менің бойдақ жігітім» (My Little Old Boy) бағдарламасы аясында жүзеге асқан.

Жобаға корей киносы мен телехикаяларынан кеңінен танымал актерлер – Пэ Чон Нам, Ли Сон Мин, Ким Сон Гюн және Ким Чон Су қатысқан.

Бағдарлама барысында түсірілім тобы Алматының басты туристік орындарын аралап, қаланың табиғаты мен мәдени ерекшелігін көрсетті. Камера объективіне Көктөбе, Шымбұлақ, Медеу мұз айдыны, Көк базар, сондай-ақ Көлсай көлдері сияқты көрікті мекендер енді.

Алматыға арналған бұл шығарылым SBS телеарнасынан ақпан айының басында эфирге шығады деп жоспарланып отыр. Жоба қаланың туристік әлеуетін халықаралық деңгейде танытуға бағытталған.