Полиция өкілдерінің мәліметі бойынша, күдіктілер жеке әрекет еткен және бір-бірімен байланысы болмаған. Олар көбіне қарапайым парольдер қойылған камераларды бұзып, әлсіз тұстарын ғана пайдаланған.
БАҚ өкілдерінің хабарлауынша, хакерлер камераларға жеке үйлерде, караоке бөлмелерінде, пилатес студиясында және гинекологиялық клиникада қол жеткізген.
Олардың бірі 63 мың камераны бұзып, 545 интимдік видеоны жасап, оны 35 млн вонға (шамамен 23 862 доллар) сатқаны айтылады. Тағы бір күдікті 70 мың камераны бұзып, 648 бейнежазбаны 18 млн вонға (шамамен 12 272 доллар) сатқан.
Екі күдікті өткен жылы осы сайтқа орналастырылған бейнелердің шамамен 62%-ын жасаған. Қазір полиция сайтты жабу және блоктау шараларын іске асырып, оның иесін анықтау үшін шетелдік арнайы қызметтермен жұмыс істеп жатыр. Сондай-ақ сайт арқылы материалдарды сатып алған және көрген үш адам ұсталған.
Оңтүстік Корея Ұлттық полициясының кибертергеу бөлімінің бастығы Пак У-хён тергеу белсенді өтетінін жеткізді.

Басқарма өкілдері 58 мекенжайдағы зардап шеккендерге барып, жағдайды түсіндіріп, парольдерді өзгерту жөнінде кеңес берді. Полиция бейнелерді жою және блоктау, сондай-ақ басқа құрбандарды анықтау бойынша да жұмыс жүргізуде.