Қазақстанда медицина қызметкерлерінің жалақысын арттыру жоспарланып отыр. Бұл туралы 8 қаңтарда Денсаулық сақтау бірінші вице-министрі Тимур Сұлтанғазиев мәлімдеді.
Оның айтуынша, Мемлекет басшысының жүйелі қолдауының арқасында соңғы жылдары денсаулық сақтау саласына бөлінетін мемлекеттік шығындар шамамен үш есеге артқан. Ал 2025 жылы бұл көрсеткіш 3 трлн теңгеге жеткен.
Тимур Сұлтанғазиевтің мәлімдеуінше, 2026 жылдан бастап инфекциялық қызмет пен жедел медициналық жәрдем саласында жұмыс істейтін қызметкерлердің жалақысын көтеру көзделіп отыр. Сонымен қатар, дәрігерлерге қатысты зорлық-зомбылық фактілері үшін жауапкершілік күшейтіледі.
Сондай-ақ халықты медициналық қызметпен қамту аясын кеңейту, сақтандыру моделіне көшу және медициналық қызмет сапасына мемлекеттік бақылауды қайта енгізуді көздейтін Міндетті әлеуметтік медициналық сақтандыру жүйесін жетілдіру туралы заң қабылданған.
DALAMEDIA admin
10
0