“Жүргізілген талдау нәтижесі видеодағы адамдардың Қазақстанның жедел жәрдем қызметкерлері емес екенін көрсетті: олардың киімінде ҚР жедел медициналық жәрдем бригадаларына міндетті мемлекеттік және ведомстволық белгілер жоқ. Түстік гамма мен киім үлгісі де Қазақстанда қолданылатын бірыңғай стандартқа сәйкес келмейді», – делінген денсаулық сақтау министрлік мәлімдемесінде.

Сонымен қатар таралған видеода арнайы жағымсыз әсер тудыру үшін әдейі өңделген аудиожазба қойылғаны атап өтілді.

«Осындай әдістер – көрерменге эмоциялық қысым көрсету және жағдайды бұрмалап көрсету арқылы манипуляция жасауға бағытталған тәсіл. Бұл роликтің ақпарат беру үшін емес, теріс пікір қалыптастыру және шұғыл қызметтердің беделін түсіру мақсатында жасалғанын дәлелдейді», – деді министрлік өкілдері.

Бұдан бөлек, аталған оқиға 2024 жылғы 11 наурызда Ресейдің Волгоград қаласында болғаны және ол кезде Ресей медиасында кең талқыланғаны анықталды. Тексеру нәтижесінде кінәлі тұлғалар жауапкершілікке тартылған.

«Осылайша, бұрын болған әрі тергеліп қойған оқиғаны Қазақстанның қызметтерімен байланыстырып, қайта тарату – азаматтарды әдейі адастыру әрекеті», – деп мәлімдеді Денсаулық сақтау министрлігі.

Министрлік паблик администраторлары мен ақпараттық ресурс авторларын қазақстандықтардың шынайы ақпаратқа қол жеткізу құқығын құрметтеуге, жарияламас бұрын дереккөздерді тексеруге және мемлекеттік, әлеуметтік және медициналық қызметкерлерді әдейі қаралайтын материалдарды таратпауға шақырды.