Қазақстанның Тұңғыш Президентінің немересі Нұрәлі Әлиев рухани бағыттағы Spark of Light атты жаңа жобасын іске қосты. Бұл бастама адамның «өз шынайы болмысымен байланыс орнатуына» және «қоршаған ортаға пайда тигізуіне» бағытталған.

Жоба сипаттамасына сәйкес, бағдарламаның негізгі мақсаты — адамдардың санасын 3D деңгейінен 5D сана деңгейіне көтеру. Алайда бұл үдерістің нақты қалай жүзеге асатыны әзірге толық түсіндірілмеген.

Жобаны таныстыру барысында Нұрәлі Әлиев бұл бастаманы жеке рухани тәжірибесінің нәтижесі ретінде ұсынып, алған білімін өзгелермен бөлісуге ниетті екенін мәлімдеген.