Қазақстанның тұңғыш президенті Нұрсұлтан Назарбаевтың үлкен немересі Нұрали Әлиев 41 жасқа толуын шетелде атап өтті. Ол мерекелік кештен фото және видеоларды өзінің Instagram парақшасына жариялаған.

Кадрлардан Нұрали Әлиевтің жұбайы Адина Имашева, сондай-ақ балалары – ұлы Алан мен қызы Әмираны көруге болады. Туған күн ерекше форматта, табиғат аясындағы глэмпинг пен элиталық ретрит атмосферасында ұйымдастырылған.

Салтанатты шара Дубайдағы бес жұлдызды Terra Solis Dubai қонақүйінде өткен. Ашық дереккөздерге сәйкес, бұл кешенде екі адамға арналған бір тәулік тұру бағасы шамамен 100 мыңнан 270 мың теңгеге дейін жетеді.

Кеш барысында қонақтарға арналған мәдени бағдарлама да назардан тыс қалмаған. Іс-шарада Turan этно-ансамблі өнер көрсетіп, аумаққа қазақтың дәстүрлі киіз үйі тігілген. Ұлттық нақыш пен заманауи сән үйлесім тапқан кеш әлеуметтік желі қолданушыларының да қызығушылығын тудырды.