Ресей президенті Владимир Путин сенбі күні кешке Қазақстанның тұңғыш президенті Нұрсұлтан Назарбаевты Кремльде қабылдады.

Кремль таратқан қысқаша хабарламада Владимир Путиннің Нұрсұлтан Назарбаевпен кездескені айтылғанымен, жүздесудің нақты мақсаты жарияланбаған.

Ресей президентінің баспасөз қызметі ұсынған видеода екі саясаткердің ақ гүлдермен безендірілген дөңгелек үстел басында отырғаны көрінеді.

Айта кетейік, бұл - Владимир Путин мен Нұрсұлтан Назарбаевтың екінші кездесуі. Бұған дейін олар 2025 жылдың 29 мамырында жолыққан. Сол кезде Нұрсұлтан Назарбаевтың баспасөз хатшысы кездесудің жеке сипатта өткенін хабарлаған болатын.