Аргентиналық футбол аңызы Диего Марадонаның жыртылған ойын жейдесі Matchday Football Auctions аукционында 179 мың долларға өтті.

Аукцион ұйымдастырушыларының мәліметінше, бұл жейде кездейсоқ сақталып қалған. Испания Кубогының финалынан кейін киім ауыстыратын бөлмеде кір жинап жүрген клуб қызметкері жыртылған жейдені тауып алады. Жөндеуге келмеген соң, оны естелік ретінде өзінде сақтаған. Кейіннен «Барселона» өкілдері жиі бас сұғатын бар иесіне сыйға береді. Ал бар иесінің ұлы бұл тарихи жәдігерді аукционға шығаруды жөн көрген.

Аталған жейдені Марадона 1984 жылы Испания Кубогының финалында «Атлетик» Бильбаоға қарсы өткен ойында киген. Финалдық матч «Барселонаның» 0:1 есебімен жеңілуімен аяқталып, ойыннан кейін алаңда жаппай төбелес орын алған. Сол қақтығыс кезінде футболшының жейдесі жыртылып қалғаны еді.

Футбол тарихындағы ерекше сәтпен байланысты бұл жәдігер коллекционерлер арасында жоғары бағаланып, аукционның басты лоттарының біріне айналды.