Астанада қар тазалайтын арнайы техниканың автотұрақта дрифт жасаған сәті видеоға түсіп, әлеуметтік желіде тарады. Кадрлар көпшіліктің назарын аударды.
Бейнежазбада коммуналдық қызметке тиесілі көліктің автотұрақ аумағында әдейі айналып, қауіпті маневр жасағаны көрінеді.
Астана қалалық Полиция департаментінің мәліметінше, аталған техниканың жүргізушісі маневр жасау талаптарын бұзғаны үшін әкімшілік жауапкершілікке тартылған.
– Құқық бұзушымен профилактикалық түсіндіру жұмыстары да жүргізілді, – деп хабарлады полиция өкілдері.
Сонымен қатар демалыс күндері елордада жол бойында дрифт жасаған 26 жүргізуші анықталғаны белгілі болды.
Полиция жалпы пайдаланудағы жолдарда дрифт пен қасақана қауіпті маневрлерге қатаң тыйым салынғанын ескертеді. Мұндай әрекеттер жол қозғалысына қатысушылардың өмірі мен қауіпсіздігіне қатер төндіріп, заң аясында жауапкершілікке әкеледі.
DALAMEDIA admin
10
0