Алматыдағы ALT University-де екінші курс студенті оқытушыға шабуыл жасады. Нәтижесінде қылмыстық іс қозғалды. Оқиға ер адамдарға арналған дәретханада болған.  

Алматыдағы ALT University-де екінші курс студенті оқытушыға шабуыл жасады. Нәтижесінде қылмыстық іс қозғалды. Оқиға ер адамдарға арналған дәретханада болған.

Қолда бар дерекке сүйенсек, 18 жастағы студент университет ғимаратына пышақ алып кіріп, 35 жастағы оқытушыны дәретханада тосқан. Ол ештеңе айтпастан педагогты пышақпен қорқытқан. Оқытушы мойнынан жеңіл жарақат алған. Күдікті оқиға орнынан қашпақ болғанымен, оны күзетшілер ұстап, полицияға тапсырған.

Ал, университет өкілдерінің айтуынша, зардап шеккен оқытушы қазір жұмысын жалғастырып жүр, ауыр жарақат алмаған. Ал студент уақытша ұстау изоляторына қамалған.

Оқиғаның себебі ретінде оқу үлгеріміне байланысты жанжал айтылуда. Бейресми дерекке қарағанда, студент жазғы семестрге қалғанына наразы болған. Алайда университет әкімшілігі бұл ақпаратты растамады.

Алматы қалалық полиция департаментінің мәліметінше, факті бойынша қылмыстық іс қозғалып, тергеу жүріп жатыр. Күдіктінің барлық мән-жайы анықталуда.

Қазір студенттің оқудан шығарылу-шығарылмауы белгісіз. Егер оның кінәсі дәлелденсе, заң бойынша бірнеше жылға дейін бас бостандығынан айырылуы мүмкін.