Алматы вокзалындағы пойызда газбен улану салдарынан зардап шеккен екі бала реанимациядан профильді бөлімшеге ауыстырылды. Бұл туралы қала қоғамдық денсаулық басқармасы хабарлады.

Оқиға орнына барлығы 13 жедел жәрдем бригадасы жіберілген. Барлығы 52 адам зардап шеккен, соның ішінде балалар да бар. Барлығына медициналық көмек көрсетіліп, науқастар қала ауруханаларына жеткізілді.

Медициналық деректерге сәйкес, 11 бала ауруханаға жатқызылған, олардың екеуі бұған дейін реанимацияда болған. 12 желтоқтедегі жағдай бойынша екеуі де қарапайым бөлімшеге ауыстырылып, емін жалғастыруда. Дәрігерлер барлық науқастың жағдайын бақылап отыр.

Еске сала кетейік, оқиға бейсенбі күні орын алған: адамдар пойызда көмірқышқыл газымен уланып қалған. «ҚТЖ» хабарлауынша, пойыз жеке тасымалдаушыға тиесілі болып, киностудияға түсірілім үшін берілген.

Көлік полициясы ҚР ҚК-нің 156-бабы — «Еңбек қауіпсіздігін сақтау ережесін бұзу» бойынша қылмыстық іс қозғады.