Алматыда Розыбакиев көшесінде орналасқан MEGA Alma-Ata сауда орталығына белгісіз адам жарылғыш зат қойылғаны жөнінде анонимді хабарлама жолдаған. Осыған байланысты орталықтағы қызметкерлер мен келушілер сыртқа шығарылды.

Қалалық полиция департаментінің мәліметінше, ақпарат түскеннен кейін жедел қызметтер мен арнайы жасақ оқиға орнына дереу жеткен. Сауда орталығы қоршауға алынып, ғимаратты тексеру үшін мамандар кірген.

Құқық қорғау органдары жалған ақпарат берген адамды анықтау жұмыстарын жүргізіп жатыр. Айта кетейік мұндай әрекет үшін заңда жауапкершілік қарастырылған.

Ал Полиция қызметкерлері тұрғындарды сабыр сақтап, тәртіп сақшылары мен қауіпсіздік қызметінің нұсқауларын орындауға үндеу жасады.