Қазақстан аумағына солтүстік антициклон кіріп, қатты аяз алып келеді. Мұндай мәліметті Қазгидромет мамандары жариялады.

Синоптиктердің деректерінше, жылы өткен күзден кейін еліміз қыстың алғашқы суығын сезіне бастайды. 9 желтоқсаннан бастап солтүстік-батыс және солтүстік өңірлерге суық антициклон жылдам енеді.

Метеорологтардың айтуынша, суық ауа массаларының әсерінен алдымен еліміздің солтүстік бөлігінде, кейін барлық аймақтарда жауын-шашын тоқтап, ауа температурасы күрт төмендейді.

Түнгі температура:

• солтүстікте: –22…–30°С

• шығыста: –27…–35°С

• оңтүстік және оңтүстік-шығыста: –10…–20°С

Биыл еліміздің көптеген өңірінде қыстың алғашқы күні жауын-шашынсыз өтті. Қазақстанда қар ғана емес, тіпті қар жауатын белгі де байқалмай отыр.

Синоптиктер қазіргі ауа райы тенденциясы сақталса, алдағы жылдары Қазақстанда қар аз түсетін немесе мүлде қарсыз қыстар қалыпты жағдайға айналуы мүмкін екенін жоққа шығармайды.