Астана әкімдігі қалада жылыту маусымы тек орташа тәуліктік ауа температурасы +10 °С-тан төмендеп, бес күн қатарынан сақталғаннан кейін қосылатынын мәлімдеді.

«Қазгидромет» деректеріне сүйенсек, қыркүйектің үшінші онкүндігінде елордада салқын ауа райы күтілуде:

• түнде +3…+8 °С-тан −1…−6 °С-қа дейін төмендейді,

• күндіз +17…+22 °С-тан +8…+13 °С аралығында болады.

Алайда кейін қайтадан күн жылып, ауа температурасы +17…+22 °С-қа дейін көтеріледі деп болжануда. Осыған байланысты қаладағы үйлер мен әлеуметтік нысандарға жылу қазан айының басында берілуі мүмкін.