Елде жемқорлардан өндірілген қаражат есебінен білім беру инфрақұрылымын кеңейту жалғасуда. Оқу-ағарту министрлігінің мәліметінше, осы қаражат арқылы 86 мыңнан астам оқушы орны іске қосылып, жаңа мектептер ел игілігіне берілді.
Президент тапсырмасымен құрылған Білім беру инфрақұрылымын қолдау қоры мектеп тапшылығын азайту мақсатын жұмыс істеп келеді. Айта кетейік, қорға түсетін қаржы жаңа білім нысандарын салуға қолданыстағы мектептерді кеңейтуге және жапсарлас құрылыс жүргізуге жұмсалады.
Инфрақұрылымды дамыту департаментінің басқарма басшысы Жайық Мақсұтовтың айтуынша, бүгінде 77 мектеп пайдалануға берілген.
-Бұл мектептердің басым бөлігі Алматы, Түркістан, Қызылорда және Жамбыл облыстарында, сондай-ақ Астана қаласында орналасқан. Мемлекет балаларға қолайлы әрі қауіпсіз орта қалыптастыруға басымдық береді, — деді ол.
Айта кетейік, қор қаражаты есебінен жалпы қуаттылығы 100 мыңға жуық оқушыға арналған 89 мектептің құрылысы қаржыландырылған.
Санаттар
DALAMEDIA admin
