Жұбайын өлтіріп, мәйітін қорлаған ер адам 18 жылға сотталды

4-12-2025, 10:30

DALAMEDIA admin

Жұбайын өлтіріп, мәйітін қорлаған ер адам 18 жылға сотталды

Қарағандыда 42 жастағы ер адам өз әйелін өлтіргені үшін 18 жылға бас бостандығынан айырылды. Оқиға шілде айында, ерлі-зайыптының қыздарының тойынан кейін болған

Марқұмның туыстарының айтуынша, ер адам 40 жастағы жұбайына жиі қол көтеріп келген екен. Сондай-ақ ерлі-зайыптының екі баласы бар екені,сонымен бірге бір кезеңде бөлек тұрғанымен, қайғылы жағдай алдында қайта бірге тұра бастағаны анықталды.

Әйел адамның қыздарының сөзінше, аналарының денесі қылмыс орны ауыр жарақат белгілерімен табылған.

Анамның беті мен жауырыны кесілген, ерні жыртылған. Басынан да жарақат алған. Оны пышақпен ғана емес, сынған орындықпен де ұрған. Аузында тісі қалмаған. Қылмыстан кейін киімдегі қанды жуып, айғақтарды жойып, пышақты көшеге лақтырып жіберген. Содан соң өзі полицияға хабарлаған, — дейді марқұмның қызы Евгения Бобик.

Сондай-ақ тергеу жұмыстары барысында айыпталушының бұған дейін ұрлық пен қарақшылық бойынша сотталғаны да анықталды.

Сот оны ҚР Қылмыстық кодексінің адам өлтіру бабы бойынша кінәлі деп таныды. Судья Бекзат Шалғымбаевтың мәлімдеуінше, айыпталушы қылмыс кезінде мас күйде болған және бұл — оның жауапкершілігін ауырлататын мән-жай.

“Бап санкциясы 15 жылдан 20 жылға дейінгі мерзімге немесе өмір бойына бас бостандығынан айыруды көздейді”, — деді судья.

Сотталған азамат үкіммен келіспейтінін айтып, апелляцияға шағым түсіретінін жеткізді.

Қосымша жаңалықтар

2025 жылы ел есінде қалған депутаттар

Тұншықтырып өлтіріп, ізін жасырмақ болды: Яна Легкодимованың өліміне қатысты жаңа деректер жарияланды

Әкесін соққыға жығып өлтірген ер адамның әйеліне де қылмыстық іс қозғалды

15 жасар қызына 16 рет пышақ сұғып өлтірген әке ұсталды

Түркістан облысында ер адам әйелін балғамен ұрып өлтірді

Пікірлер