Қайғылы оқиға 10 қарашада Тұздыбастау ауылында болған. Отбасының туыстарының айтуынша, ер адам көп жылдан бері ішімдікке әуес болып, алкогольді жиі пайдаланған. Ол туған қызына 16 рет пышақ сұққан, салдарынан бойжеткен оқиға орнында көз жұмған.
Алматы облысы Полиция департаменті күдіктінің ұсталғанын растады.
«Полицияға отбасының туысынан хабарлама келіп түсті. Оқиға орнына жеткен қызметкерлер мас күйдегі күдіктіні ұстады. Үйден қылмыс құралы тәркіленді», – деп хабарлады ПД баспасөз қызметі.
Аталған факті бойынша қылмыстық іс қозғалып, күдікті қамауға алынған. Тергеу амалдары жүргізілуде.
Істі облыстық Полиция департаментінің басшылығы бақылауына алды.
Отбасының туыстарының айтуынша, қаза тапқан қыздың анасы кәмелетке толмаған екі баламен бірге сол үйде тұруға мәжбүр.
DALAMEDIA admin
13
0