Жамбыл облысында туған қызын зорлаған ер адамға үкім шықты. Оған өмір бойына бас бостандығынан айыру жазасы тағайындалды.

Сот материалдарына сәйкес, биыл сәуір айында Қордай ауылында сотталушы Ж. мас күйінде 2019 жылы туған қызына сексуалдық сипаттағы зорлық әрекеттерін жасаған.

Айыпталушының кінәсі жәбірленушінің және оның заңды өкілінің айғақтарымен, куәлардың сөздерімен, сараптама қорытындыларымен толық дәлелденді.

Прокурор соттан өмір бойына бас бостандығынан айыру жазасын сұраған. Жәбірленуші тарап та қатаң жаза қолдануды талап етті.

Сотталушы кінәсін мойындап, өкінгенімен, сот ҚР ҚК-нің 121-бабы 4-бөлігі бойынша оған өмір бойына бас бостандығынан айыру жазасын кесті. Сонымен қатар 5 миллион теңге көлемінде моральдық өтемақы өндіру шешімі қабылданды.

Үкім заңды күшіне енген жоқ.