Таразда «Жаңа адамдар» қозғалысының “124” азаматтық науқаны әлеуметтік желіде жүргізген эксперимент барысында кәмелетке толмаған қыздың атынан ашылған аккаунтқа жазба қалдырған күдікті ер адамды анықтап, оны полицияға тапсырды.

Белсенділердің айтуынша, «Sergen Polk» атты жалған аккаунт иесі профильдің 11 жастағы қызға тиесілі екенін біле тұра орынсыз мазмұнда хаттар жазып, кездесуге шақырған. Кездесу орнына келген кезде күдіктіні белсенділер ұстап, құқық қорғау органдарына жеткізді. Қазір тергеу жүргізіліп жатыр.

Бұған дейін дәл осындай әдіспен Түркістанда да тағы бір ер адам анықталғаны хабарланған.