Алғабастағы екі қабатты үйдегі өрт салдарынан барлығы 12 адам – оның ішінде 9 бала – қаза тапқан. Тағы үш адам ауыр күйде ауруханаға жеткізілді. Өрт туралы хабар 05:38-де түскен, оқиға орнына 5 техника мен 20 құтқарушы барған. Үй 360 шаршы метр аумақта толықтай өртенген.

Қазір оқиға бойынша ҚР ҚК 292-бабының 3-бөлігімен тергеу жүріп жатыр. Алдын ала нұсқа – ақаулы электр ұзартқыштың тұтануы.

Президент Тоқаевтың тапсырмасымен үкіметтік комиссия құрылды. Жергілікті билік қаза тапқан отбасыларға медициналық, психологиялық және әлеуметтік көмек көрсетіп жатыр.