Тізімге мал шаруашылығын дамыту, сылақ және ағаш ұстасы жұмыстары, такси қызметі, пошта және курьерлік жеткізу, аударма, фотоқызмет, шаштараз және сұлулық салондары, дайын тамақты жеткізу, жылжымайтын мүлікті жалға беру, тұрмыстық техниканы жөндеу, зергерлік бұйымдарды және аяқ киім жөндеу сияқты қызметтер кірді.

Сонымен қатар, мәдениет, спорт және өзге де салалар бойынша білім беру, желі маркетингі арқылы бөлшек сауда, көркем және әдеби шығармашылық, үй шаруашылықтарына қызмет көрсету бағыттары қамтылған.

Бұған дейін вице-премьер – ұлттық экономика министрі Серік Жұманғарин жеңілдетілген декларация бойынша жұмыс істейтін кәсіпкерлік бағыттарының нақты тізімі 2026 жылдан бастап күшіне енетінін хабарлаған еді.