2026 жылғы республикалық бюджетте Парламент депутаттары мен аппарат қызметкерлерінің еңбекақысын төлеуге 7,8 миллиард теңге қарастырылған. Бұл туралы қаржы вице-министрі Абзал Бейсенбекұлы Мәжіліс кулуарында мәлімдеді.
Оның айтуынша, бұл сомаға Мәжілістің 98 депутаты мен Сенаттың 50 сенаторының, сондай-ақ әкімшілік аппараттағы қызметкерлердің жалақысы кіреді.
Вице-министр Парламент шығынын азайту мәселесі оның жұмыс форматына байланысты екенін атап өтті. Қазір Мемлекет басшысы Қасым-Жомарт Тоқаев ұсынған қос палаталы емес, бір палаталы Парламентке көшу бастамасы талқылануда. Егер бұл ұсыныс қабылданса, депутаттар саны да өзгеруі мүмкін.
Еске сала кетейік, бұған дейін Мәжіліс депутаты Бақытжан Базарбек өзінің еңбегін «айына кемі 20 миллион теңге тұрады» деп мәлімдеген болатын. Оның айтуынша, ол заңда көрсетілгеннен 20–30 есе көп жұмыс атқарып жүр.
Жансулу Садыкова
Бүгін, 15:05
Қоғам