Алматы көшелерінің бірінде қолы байланған, жалаңаяқ жүрген әйелді тұрғындардың бірі байқап қалған. «Письма президенту» Telegram арнасының мәліметінше, әйел үйінен әрең қашып шыққан, — деп хабарлайды «Dalamedia» ақпараттық порталы.

Арна мәліметінде әйелді туған ұлы байлап, оның отбасылық өміріне араласқаны үшін осылай жазалағаны айтылған.

Оқиғаға байланысты Алматы қаласы Полиция департаменті тексеру жүргізіп жатыр. Полиция әйелдің кім екенін анықтаған. Қазір ол полиция бөлімінде түсініктеме беруде.

Ведомствоның мәліметінше, бұған дейін осы жағдайға қатысты полицияға ешқандай арыз түспеген.

Қазір оқиғаның барлық мән-жайы анықталып жатыр. Тексеру аяқталғаннан кейін оған құқықтық баға беріліп, тиісті шара қабылданады.