Президент Қасым-Жомарт Тоқаев Шанхайда өткен Дүниежүзілік жасанды интеллект конференциясында Қазақстан мен Қытай арасында «цифрлық көпір» құруды және жасанды интеллект жүйелеріне ортақ стандарттар әзірлеуді ұсынды.

Ол жасанды интеллектіні өндіріс, энергетика, ауыл шаруашылығы, медицина және басқа да салаларға қауіпсіз енгізудің маңызын атап өтті.

Сондай-ақ Мемлекет басшысы кибершабуылдар, дипфейк пен цифрлық алаяқтыққа қарсы қорғанысты күшейту қажеттігін айтып, келесі жылды Қазақстан мен Қытайдағы Жасанды интеллект саласындағы бірлескен бастамалар жылы деп жариялауды ұсынды.

Бұдан бөлек, Тоқаев Дүниежүзілік жасанды интеллект саласындағы ынтымақтастық ұйымының алғашқы отырысын Астанада өткізуді және ұйымның Орталық Азиядағы өкілдігін Қазақстанда орналастыруды ұсынды.