«Қазақстан темір жолы» ұлттық компаниясының басқарма төрағасы Талғат Алдыбергенов қызметінен кетті, — деп хабарлайды «Dalamedia» ақпараттық порталы.

Компания басшысының өкілеттігін тоқтату туралы шешімді «Қазақстан темір жолы» АҚ акционері – «Самұрық-Қазына» қоры қабылдаған. Қордың жалғыз акционері – Қазақстан үкіметі.

«Жалғыз акционердің шешімімен «Қазақстан темір жолы» акционерлік қоғамы басқарма төрағасы Талғат Сағиұлы Алдыбергеновтің өкілеттігі тоқтатылды», – делінген ресми хабарламада.

Қазіргі уақытта ұлттық теміржол компаниясының жаңа басшысы кім болатыны әзірге жарияланған жоқ.

Айта кетейік, Талғат Алдыбергенов бұл қызметке 2025 жылдың шілде айында тағайындалған болатын.