Астанада Тәуелсіздік даңғылы бойында, Пушкин көшесіне бұрылар тұста жүк көлігі мен велосипед тізгіндеген 6 жасар бала қатысқан жол-көлік оқиғасы болды, – деп хабарлайды «Dalamedia» ақпараттық порталы.

Қалалық полиция департаментінің мәліметінше, оқиға 26 мамыр күні тіркелген. Mercedes маркалы жүк көлігінің жүргізушісі Тәуелсіздік даңғылымен келе жатып, оңға бұрылған сәтте жолдың жүру бөлігін кесіп өтіп бара жатқан велосипедшіні қағып кеткен.

Соққы салдарынан кәмелетке толмаған бала оқиға орнында алған ауыр жарақаттарынан көз жұмды.

Полиция бұл деректі растады және аталған факті бойынша қылмыстық іс қозғалғанын хабарлады. Жүк көлігі коммуналдық тұраққа қойылған.

Оқиғаның мән-жайы тергеу барысында анықталуда.