Бақытжан Байжановтың анасы сот отырысы кезінде үкіммен келіспейтінін ашық білдіріп, сот залында дауыс көтерді, -деп хабарлайды «Dalamedia» ақпараттық порталы.

Куәгерлердің айтуынша, ол ұлына тағайындалған жазаны әділетсіз деп санап, шешімге наразылық танытқан. Судья бірнеше мәрте тәртіп сақтауды ескерткенмен, Байжановтың анасы сабырға келмеген.

Кейін сот төрағасы оны залдан шығаруды тапсырған. Алайда ол бұл шешімге де қарсылық білдіріп, орнынан кетуден бас тартқан. Соңында әйелді сот қызметкерлері мен полиция өкілдері сыртқа алып шықты.

Сонымен қатар, Бақытжан Байжановты ақтау туралы өтініш те қанағаттандырылған жоқ. Сот бұрынғы үкімді өзгеріссіз қалдырды.

Еске салайық, Бақытжан Байжанов Салтанат Нүкенова ісіне байланысты 4 жылға сотталған болатын. Кейін оның өтелмеген жаза мерзімі үштен бір бөлікке қысқартылып, түпкілікті жаза 1 жыл 4 ай 17 күн болып белгіленген.