Өскемен қаласында кәмелетке толмаған баланы ересектердің қарауынсыз жүрген жерінен полиция қызметкерлері анықтады, -деп хабарлайды «Dalamedia» ақпараттық порталы.
Полицияның мәліметінше, баланың даму ерекшеліктеріне байланысты оның жеке басын және заңды өкілдерін анықтау барысында қосымша жұмыстар жүргізілген.
Тәртіп сақшылары баланы қауіпсіз жерге жеткізіп, туыстарын іздестіру шараларын бастаған. Арада 30 минут өткен соң «102» арнасына осы баланың жоғалғаны туралы хабарлама келіп түскен.
Іздестіру жұмыстарының нәтижесінде полицейлер баланың жақындарын анықтап, оны ата-анасына аман-есен тапсырды.