Мемлекет басшысының тапсырмасына сәйкес Премьер-министр Олжас Бектенов, Парламент Сенатының төрағасы Мәулен Әшімбаев және Мәжіліс спикері Ерлан Қошанов Астанадағы «Отан Ана» монументіне Жеңіс күніне орай гүл шоқтарын қойды,-деп хабарлайды «Dalamedia» ақпараттық порталы.

Рәсім барысында жиналғандар сұрапыл соғыс жылдарында қаза тапқан майдангерлер мен тылда еңбек еткен азаматтарды, сондай-ақ соғыс құрбандарын бір минут үнсіздікпен еске алды.

Жеңіс күні – бейбіт өмірдің қадірін ұғындыратын, ұрпақтар сабақтастығы мен ел бірлігін айқындайтын әрі бейбітшілікті сақтау жауапкершілігін еске салатын тарихи маңызы зор күн ретінде бағаланады.