Премьер-министр Олжас Бектенов Үкімет мүшелері мен өңір әкімдерінің қатысуымен кеңес өткізді. Жиында қазақстандықтарды жаңа Конституция жобасы туралы сапалы әрі уақтылы ақпараттандыру мәселесі талқыланды.
Кеңес барысында Үкімет басшысы министрліктер мен жергілікті атқарушы органдарға конституциялық өзгерістерге қатысты объективті және нақты ақпаратты кеңінен тарату жөнінде тапсырма берді. Әсіресе әлеуметтік желілер мен мессенджерлерде тарап жатқан жалған ақпарат пен фейк жаңалықтарға қарсы іс-қимылды күшейту қажеттігі атап өтілді.
Олжас Бектенов Ішкі істер министріне заң шеңберінде ақпаратты әдейі бұрмалау фактілерінің жолын кесіп, кінәлі тұлғаларды жауапкершілікке тарту бойынша нақты шаралар қабылдауды тапсырды.
Бұл бағыттағы жұмыстарды үйлестіру Премьер-министрдің орынбасары – Мәдениет және ақпарат министрі Аида Балаеваға жүктелді.
DALAMEDIA admin
8
0