Президент Қасым-Жомарт Тоқаев Отан қорғаушылар күні мен Жеңіс күні қарсаңында офицерлер мен сарбаздарды құттықтап, ел қауіпсіздігі мен қорғаныс саласының маңызын атап өтті, ,-деп хабарлайды «Dalamedia» ақпараттық порталы.

Мемлекет басшысы қазақ халқы ежелден туған жерін қорғауда қайсарлық танытқанын айтып, ел басына күн туған шақта ата-бабаларымыздың бірлік пен батырлықтың үлгісін көрсеткенін жеткізді. Оның сөзінше, қарудың күші ғана емес, рухтың қуаты да халықтың басты тірегі болған.

Президент Қазақстанның халықаралық аренадағы беделіне де тоқталды. Ол еліміздің Біріккен Ұлттар Ұйымының дербес бітімгершілік миссияларын орындауға мандаты бар ТМД кеңістігіндегі жалғыз мемлекет екенін атап өтті. Бұл қазақстандық әскердің кәсіби деңгейін айқындайтынын айтты.

Сонымен қатар, Тоқаев алдағы екі жыл әскери білім беру сапасын арттыруға арналуы керегін айтты.