Қорғаныс министрлігі әскери қызметшілердің еңбекақысы кезең-кезеңімен өсетінін хабарлады. Ведомство дерегінше, жалақының көтерілуі офицерлерге де, қатардағы және сержанттық құрамға да қатысты болмақ.

Министрлік таратқан ақпаратқа сәйкес, 2026 жылғы 1 қаңтардан бастап еңбекақы төлеудің жаңартылған жүйесі шеңберінде жалақыны арттырудың екінші кезеңі іске асырылады. Бұл кезеңде офицерлердің жалақысы қосымша 23 пайызға ұлғаяды.

Ал қатардағы және сержанттық құрам үшін еңбекақы бірінші кезеңде белгіленген деңгейден тағы 10 пайызға арттырылады.

Ведомство өкілдері бұл өзгерістер әскери қызметтің тартымдылығын арттыруға және әскери қызметшілердің әлеуметтік жағдайын жақсартуға бағытталғанын атап өтті.