Енді жүргізуші куәлігін алуға арналған емтихан тәртібі жаңарды. Бұл туралы ҚР Премьер-министрінің орынбасары – жасанды интеллект және цифрлық даму министрі Жаслан Мәдиевтің төрағалығымен жүргізуші куәлігін алу үшін емтихан тапсыру рәсімін жетілдіру мәселелері бойынша өткен кеңесте айтылды, – деп хабарлайды «Dalamedia» ақпараттық порталы.

Жаңа өзгерістерге сәйкес, енді азаматтар жүргізуші куәлігін алу үшін емтиханды ақылы негізде шектеусіз тапсыра алады. Алайда аралықта кемінде 10 күн үзіліс болуы тиіс. Бұған дейін үш рет тегін мүмкіндік беріліп, кейін қайта оқудан өту талап етілетін. Жаңа тәртіп бұл шектеулерді жеңілдетіп, үрдісті анағұрлым қолжетімді етпек.

Сонымен қатар Астанадағы Ұлттық тестілеу орталығының базасында пилоттық жоба іске қосылады. Онда академиялық адалдықты қамтамасыз ететін технологиялар сынақтан өткізіліп, кейін бүкіл жүйеге енгізілуі мүмкін. Бұған қоса, тест тапсырмаларына арнайы психометриялық талдау жүргізіліп, олардың жүргізушіге қажетті білім мен дағдыны нақты бағалай алатыны тексеріледі.

Емтихан өткізу барысында жасанды интеллект мүмкіндіктері де кеңінен қолданылмақ. Теориялық бөлімде толықтырылған шынайылық технологиясы енгізілсе, практикалық емтихан кезінде компьютерлік көру жүйесі пайдаланылады. Бұл әдістер заңбұзушылықтарды дәл анықтауға және тыйым салынған құрылғыларды қолдану тәуекелін азайтуға сеп болмақ.

Сондай-ақ жүргізуші куәлігін рәсімдеуге қатысты цифрлық жүйелердің қауіпсіздігін күшейту жоспарланып отыр. Олар маңызды ақпараттық нысандар қатарына енгізілуі мүмкін, бұл заңсыз араласуға қатысты жауапкершілікті қатаңдатуға жол ашады.

Жаңа тәртіпте емтихан барысында ереже бұзғандарға да талап күшейеді. Тыйым салынған құрылғыларды қолданған немесе заңсыз көмек алған жағдайда әкімшілік жауапкершілік қарастырылып, теориялық емтихан тапсыру құқығынан бір жылға дейін айыру мүмкіндігі енгізіледі.

Бұдан бөлек, автомектептердің жұмысына қойылатын талаптар да күшейтіледі. Олардың қызметі жүргізушілерді даярлау сапасы мен азаматтардың пікіріне қарай бағаланып, алдағы уақытта лицензиялау жүйесі енгізіледі. Егер оқу сапасы төмен болса, лицензия толық кері қайтарылуы мүмкін.

Жаңа өзгерістерге сәйкес, енді азаматтар жүргізуші куәлігін алу үшін емтиханды ақылы негізде шектеусіз тапсыра алады. Алайда аралықта кемінде 10 күн үзіліс болуы тиіс. Бұған дейін үш рет тегін мүмкіндік беріліп, кейін қайта оқудан өту талап етілетін. Жаңа тәртіп бұл шектеулерді жеңілдетіп, үрдісті анағұрлым қолжетімді етпек.

Сонымен қатар Астанадағы Ұлттық тестілеу орталығының базасында пилоттық жоба іске қосылады. Онда академиялық адалдықты қамтамасыз ететін технологиялар сынақтан өткізіліп, кейін бүкіл жүйеге енгізілуі мүмкін. Бұған қоса, тест тапсырмаларына арнайы психометриялық талдау жүргізіліп, олардың жүргізушіге қажетті білім мен дағдыны нақты бағалай алатыны тексеріледі.

Емтихан өткізу барысында жасанды интеллект мүмкіндіктері де кеңінен қолданылмақ. Теориялық бөлімде толықтырылған шынайылық технологиясы енгізілсе, практикалық емтихан кезінде компьютерлік көру жүйесі пайдаланылады. Бұл әдістер заңбұзушылықтарды дәл анықтауға және тыйым салынған құрылғыларды қолдану тәуекелін азайтуға сеп болмақ.

Сондай-ақ жүргізуші куәлігін рәсімдеуге қатысты цифрлық жүйелердің қауіпсіздігін күшейту жоспарланып отыр. Олар маңызды ақпараттық нысандар қатарына енгізілуі мүмкін, бұл заңсыз араласуға қатысты жауапкершілікті қатаңдатуға жол ашады.

Жаңа тәртіпте емтихан барысында ереже бұзғандарға да талап күшейеді. Тыйым салынған құрылғыларды қолданған немесе заңсыз көмек алған жағдайда әкімшілік жауапкершілік қарастырылып, теориялық емтихан тапсыру құқығынан бір жылға дейін айыру мүмкіндігі енгізіледі.

Бұдан бөлек, автомектептердің жұмысына қойылатын талаптар да күшейтіледі. Олардың қызметі жүргізушілерді даярлау сапасы мен азаматтардың пікіріне қарай бағаланып, алдағы уақытта лицензиялау жүйесі енгізіледі. Егер оқу сапасы төмен болса, лицензия толық кері қайтарылуы мүмкін.