Алматы облысы Еңбекшіқазақ ауданындағы Есік қаласында бір топ ер адам қатысқан жаппай төбелес тіркелді, — деп хабарлайды «Dalamedia» ақпараттық порталы.
Оқиғаға қатысты түсірілген бейне әлеуметтік желілерде тарады. Кадрлардан атыс дауысы анық естіледі.
Алматы облысы полиция департаменті бастығының тергеу жөніндегі орынбасары Рустам Әбдірахмановтың мәліметінше, аталған жағдай 2026 жылдың 28 наурызында болған.
Оның айтуынша, бұл дерек бойынша бұзақылық және полиция қызметкерлеріне қарсылық көрсету баптарымен екі қылмыстық іс тіркелген. Жеті адам күдікті ретінде танылып, барлығы уақытша ұстау изоляторына қамалған.
Полицияның мәліметінше, оқиға орнына барған қызметкерлер жағдайды тұрақтандыру және қоғамдық тәртіпті сақтау мақсатында ескерту ретінде ауаға оқ атқан.
Қазір сотқа дейінгі тергеу амалдары жүргізіліп жатыр. Әрбір қатысушының әрекетіне құқықтық баға беріледі. Тергеу барысы облыстық полиция департаментінің бақылауында.
Санаттар
DALAMEDIA admin
