Оқиға куәгерлер түсірген видеодан белгілі болған. Онда бір топ жігіттің сауда орталығы ішінде жанжал шығарып, қоғамдық тәртіпті бұзғаны көрінеді. Келушілер арасында әбігер туып, жағдай біраз уақытқа дейін тынышталмаған.

Алдын ала мәлімет бойынша, оқиға “Көктал” сауда орталығында болған. Қазір жанжалдың нақты неден туындағаны мен зардап шеккендер туралы ақпарат нақтыланып жатыр.

Қалалық полиция департаменті төбелеске қатысқан барлық азаматтың, оның ішінде кәмелетке толмағандардың да анықталғанын мәлімдеді. Олар Сарыарқа аудандық полиция басқармасына жеткізілген.

Аталған дерекке байланысты қылмыстық іс қозғалып, мән-жайы жан-жақты тексерілуде. Тәртіп сақшылары ата-аналарға балалардың тәрбиесіне жауапкершілікпен қарап, қоғамдық орындардағы тәртіп ережелерін түсіндіру қажеттігін ескертті.