Жаңа әдістің негізі – сүт сарысуы мен Lactococcus lactis F-116 штамы негізінде жасалған антимикробтық жабын. Ол Salmonella, Listeria, Pseudomonas сияқты қауіпті бактериялардың өсуін тежейді және құрамында улы химиялық қоспалар жоқ.

Ғалымдардың айтуынша, бұл жабын өнімнің сапасын ұзақ сақтауға мүмкіндік береді: дәмі, түсі, иісі өзгермейді, тасымалдау географиясы кеңейеді, бұзылудан болатын шығын азаяды. 2030 жылға қарай құс еті әлемдік нарықтың 41%-ын құрайтыны болжанып отыр, сондықтан сақтау мерзімін ұзарту – экспорт үшін стратегиялық маңызды.