Мемлекет басшысы Жамбыл облысына жұмыс сапары барысында өңірдің әлеуметтік-экономикалық даму көрсеткіштеріне тоқталып, атқарылған жұмыстарды оң бағалады.
Президенттің айтуынша, биыл Жамбыл облысына шамамен 600 миллиард теңге инвестиция тартылып, 63 мыңнан астам жаңа жұмыс орны ашылған. Сонымен қатар 280-нен аса елді мекенге көгілдір отын жеткізілген.
Соңғы үш жылда өңірде 13 мыңға жуық оқушыға арналған 37 мектеп салынды. Бұдан бөлек, 41 денсаулық сақтау нысаны пайдалануға беріліп, елуден астам спорт және мәдениет орталығы бой көтерді.
Мемлекет басшысы аймақта ауқымды жұмыс атқарылып жатқанын атап өтіп, бұл бағыттағы жұмысты одан әрі белсенді түрде жалғастыру қажет екенін айтты.
«Еліміз қуатты болуы үшін ең алдымен, аймақтар қуатты болуға тиіс», – деді Президент.
Жамбыл облысындағы инвестициялық және әлеуметтік жобалар өңірдің тұрақты дамуына серпін беріп, тұрғындардың өмір сапасын арттыруға бағытталған.
DALAMEDIA admin
9
0