Бастапқыда құрылым «HALYK QUATY» атауымен жұмыс істеп, «Әр отбасына бақыт!» деген ұранды қолданған және жобаны сайт пен әлеуметтік желілер арқылы белсенді түрде жарнамалаған. «HALYK» тауарлық белгісін заңсыз пайдалану үшін әкімшілік жауапкершілікке тартылғаннан кейін атауы өзгертілген.

Қатысушылар санын арттыру үшін ұйымдастырушылар маркетингтік акциялар өткізіп, туристік жолдамаларды ұтысқа салған. Жиналған қаражат қызмет көрсетілгендей болып жасанды түрде құрылған «QAZ INFO MARKET» ЖШС-нің шоттарына аударылып отырған, алайда бұл қызметтер іс жүзінде көрсетілмеген.

Тергеу деректеріне сәйкес, схемаға 1,5 мыңнан астам салымшы тартылған, келтірілген шығын көлемі 6,8 млрд теңгеден асады. Қаржы пирамидасының ұйымдастырушысы қамауға алынды. Тергеу жалғасуда.