Мемлекеттік еңбек инспекциясы комитетінің мәліметінше, тексеру барысында компанияда бірқатар заң бұзушылық анықталған. Қызметкерлердің келісімінсіз жалақысы заңсыз ұсталған, төлемдер жүйелі түрде кешіктірілген. Сондай-ақ нақты жұмыс істеген уақыт есепке алынбаған, мереке мен демалыс күндері еңбекақы дұрыс төленбеген. Ауысым кестелері де заң талаптарына сай берілмеген.

Инспекторлар компания қызметкерлерді арнайы киіммен және жеке қорғаныш құралдарымен қамтамасыз етпегенін, сондай-ақ персонал еңбекті қорғау нұсқамасынан өтпей-ақ жұмысқа жіберілгенін анықтады. Қорытынды бойынша «QSR» ЖШС-не барлық бұзушылықтарды жою міндеттелді. Заң бұзушылықтар Әкімшілік құқық бұзушылық кодексінің 87, 93 және 94-баптары бойынша қаралады. Барлық заң бұзушылықтар толық түзетілгенге дейін мемлекеттік инспекторлар бақылауда болады.

Айта кетейік, дау әлеуметтік кәсіпкер Жанат Қаратай аутизмі бар ұлы Әлібек Қаратайға қысым жасалғанын айтып, жұмыстан кетуге мәжбүрлегенін жариялағаннан кейін басталған. Компания қысым болмағанын айтқанымен, әлеуметтік желіде сынға ұшыраған. Бірнеше күнге созылған жанжалдан соң Әлібек Қаратай жұмыс істеген бөлімдегі екі менеджерді жұмыстан шығарды. Бұл жағдайға Еңбек министрлігі де араласып, тексеру жүргізген болатын